“SSKA” sobiq futbolchisi Valeriy Masalitin Match TV telekanaliga bergan intervyusida jamoa yarim himoyachisi Abbosbek Fayzullayev haqida o‘z fikrini bildirdi.
Uning ta’kidlashicha, o‘zbekistonlik futbolchini ijaraga berish va keyinroq yuqori narxda sotish maqsadga muvofiq bo‘ladi.
Abbosbek Fayzullayev bu mavsum yaxshi o‘yin ko‘rsatmadi. Sababi, murabbiy doim rotatsiya qildi. U o‘z salohiyatini to‘liq ochib bera olmayapti. Uni ijaraga berish kerak, shunda Abbosbekning o‘yini yana yaxshilanib ketadi. Keyin esa uni yaxshi pulga sotish mumkin. Fayzullayev ikkinchi davrada deyarli “SSKA”ga yordam bera olmadi. U harakat qildi, lekin bularning barchasi samarasiz yakunlandi, dedi Masalitin Match TV telekanaliga.
Abbos Fayzullayev 2024/25-yilgi mavsum Rossiya Premyer Ligasi doirasida 27 o‘yinda maydonga tushib, o‘z hisobiga 2 ta gol va 4 ta golli uzatma yozdirib qo‘ydi.
“SSKA” Rossiya chempionatini 3-o‘rinda yakunladi. “Armiyachilar” 1-iyun, yakshanba kuni Rossiya Kubogi superfinalida “Rostov”ga qarshi o‘ynadi va penaltilar seriyasida g‘alaba qozonib, bosh sovringa ega chiqdi.
Eslatib o‘tamiz, avvalroq OAVda Fayzullayevga Germaniyaning “Bavariya” hamda Turkiyaning “Beshiktosh” klublari jiddiy qiziqish bildirayotgani haqida xabarlar tarqalgan edi.
Izoh (0)