“Barselona” bosh murabbiyi Hansi-Diter Flik jamoa yarim himoyachisi Pedri haqida o‘z fikrlarini bildirib o‘tdi.
Nemis mutaxassisining fikricha, Pedri kataloniyaliklarning eng muhim futbolchisi hisoblanadi:
Rafinya Pedrini jamoaning yuragi deb aytdi? Aynan shunday. Pedri — fantastik futbolchi. U to‘pga teginishi bilan aqlbovar qilmaydigan harakatlarni amalga oshiradi. U doim o‘z ustida ishlaydi va o‘sishda davom etmoqda. Men “Valensiya”ga qarshi o‘yinni yaxshi eslayman: biz Pedrini ikkinchi bo‘limda maydonga tushirdik va u butun o‘yinning borishini o‘zgartirib yubordi, deydi Flik Barca Universal nashriga bergan intervyusida.
22 yoshli ispaniyalik futbolchi 2024/25-yilgi mavsum “Barselona”ning barcha turnirlar doirasidagi 59 ta uchrashuvida maydonga tushdi, o‘z hisobiga 6 ta gol va 8 ta golli uzatma yozdirib qo‘ydi. Uning klub bilan shartnomasi 2030-yilning yoziga qadar amal qiladi. Transfermarkt portali yarim himoyachining qiymatini 120 million yevroga baholagan.
Eslatib o‘tamiz, “Barselona” yakunlangan mavsumda La Liga chempionligini qo‘lga kiritdi.
Izoh (0)