SAG Awards-2025 mukofotlash marosimidan so‘ng, ijtimoiy tarmoqlarda Selena Gomesning sezilarli darajada ozgani faol muhokama qilinmoqda. Aktrisa qizil yo‘lakka juda maftunkor tarzda chiqdi.
Selena qanday qilib qomatida bunday o‘zgarishlarga erishgani haqidagi savolga muxlislar aktrisaning blogidan javob topishdi. Ikki yil oldin u dori-darmonlar tufayli ozayotganini va semirayotganini aytdi. Ularning diabetga qarshi mashhur preparatga hech qanday aloqasi yo‘q. Bular Selena ko‘p yillardan beri kurashib kelayotgan tizimli qizil yugurik (autoimmun kasallik bo‘lib, tizimli yallig‘lanish fonida organlar va to‘qimalarning shikastlanishi bilan birga kechadi) qarshi dorilardir.
“Dorilarni qabul qilganimda menda kuchli shish paydo bo‘ladi. Ichimda juda ko‘p suv yig‘iladi, bu tabiiy. Kurs tugagach, o‘zimga kelaman va odatda vazn yo‘qotaman”, dedi Gomes.
2013-yilda Gomesga yuqoridagi kasallik tashxisi qo‘yilgan, ammo u 2015-yilgacha tashxisni ommaga oshkor qilmaslikka qaror qilgan. 2018-yilda esa qizda bipolyar buzilish aniqlangan. Shuningdek, Selena kasalligi tufayli farzand ko‘rolmasligi haqida gapirib bergandi.
Izoh (0)