Ўзбекистон ҳудудига 8 февраль, шанба куни нам ҳаво кириб келиши бошланади, баъзи жойларда ёмғир ёғади, деб хабар бермоқда “Ўзгидромет”.
Фақат Қорақалпоғистон Республикаси ва Фарғона водийси вилоятларида ёғингарчилик кутилмайди. Хоразм вилоятида ва чўл ҳудудларда ёмғир қорга айланиши мумкин. Ҳудуднинг катта қисмида ҳаво ҳарорати юқори бўлиши сақланиб туради, фақат республика шимолида ҳарорат 3 даража совуқ — 2 даража илиққача пасаяди.
Якшанба куни республиканинг кўпчилик вилоятларида кечаси ва эрталаб баъзи жойларда ёғингарчилик (ёмғир, қор) бўлади. Қорақалпоғистон Республикаси, Хоразм, Бухоро, Навоий вилоятларида ёғингарчилик кутилмайди. Кундуз кунлари ҳаво ҳарорати 5-10 даража илиққача пасаяди, шимолда 3 даража совуқ — 2 даража илиқ атрофида бўлди.
Шарқий шамол йўналишини ўзгартириб, ғарбдан 7-12 м/с тезликда эсади, айрим жойларда 15-20 метр/секундгача кучайиши мумкин.
Тошкентда шанба куни бир оз ёмғир ёғиши мумкин. Якшанба куни кечаси ва эрталаб ёғнгарчилик (ёмғир, қорга айланиши мумкин), кундузи ёғингарчилик кутилмайди. Ҳарорат кечалари асосан 2-6 даража илиқ, кундуз кунлари 8 февралда 13-16 даража илиқ, 9 февралда 8-10 джаража илиқ бўлади.
Изоҳ (0)