Yle nashri jurnalistlari Finlyandiya parlamentining uchta hojatxonasida giyohvand moddalar qoldiqlarini topishdi.
Ular nam salfetkalar bilan hojatxona yuzalarini artib chiqishdi va namunalarni Measurlabs laboratoriyasiga jo‘natishdi. Laboratoriya tekshiruvlarida salfetkalarda amfetamin, ekstaziya va kokain izlari aniqlandi.
Namunalar 2024-yil dekabr oyida parlament binosining uchinchi hamda beshinchi qavatlaridagi erkaklar va ayollar hojatxonalaridan olingan. Psixoaktiv moddalarning izlari faqat beshinchi qavatda olingan namunalarda topilgan: odatda u yerda parlament guruhlarining majlislari o‘tkaziladi. Jurnalistlar tadqiqot uchun namunalar olgan kuni o‘sha qavatda Rojdestvo kechasi bo‘lib o‘tgan.
Nashrning ta’kidlashicha, parlamentga faqat deputatlar tashrif buyurmaydi, biroq binoda qat’iy nazorat o‘rnatilgan.
“Albatta, parlamentda bu yerda ishlashi mumkin bo‘lgan odamlar giyohvand moddalarni iste’mol qilayotgani haqida alomatlar paydo bo‘lishi achinarli. Bu jamiyatda giyohvand moddalarni iste’mol qilish ko‘payib borayotganidan dalolat beradi”, deya jurnalistlarning surishtiruviga parlament spikeri Yussi Xalla-aho izoh berdi.
Uning qo‘shimcha qilishicha, eduskunta (Finlyandiya parlamenti) psixoaktiv moddalardan foydalanishga nisbatan choralar ko‘rishi mumkin.
“Parlament binosida giyohvand moddalarni iste’mol qilishning oldini olish uchun imkoniyatlar kam”, deydi u.
Izoh (0)