2024-yil 10-sentyabr kuni Shenchjenda Huawei ULTIMATE DESIGN konsepsiyasiga bag‘ishlangan tantanali tadbir o‘tkazildi. Tadbirda namoyish etilgan ajoyib namoyish va hayajonli musiqa ULTIMATE DESIGN konsepsiyasining mohiyatini mukammal tarzda ifodaladi. Raqqosalar o‘z tana harakatlari orqali Huawei kompaniyasining innovatsion texnologiyalarni ishlab chiqish sohasida yangi cho‘qqilarni zabt etishdagi intilishlari va qat’iyatini namoyon etdilar. HUAWEI brendining Dream it Possible kompozitsiyasi orzularga intilishni aks ettiradi va kompaniyaning barcha innovatsion yutuqlari hamda muvaffaqiyatlari o‘z kuchiga bo‘lgan ishonch tufayli amalga oshganligini ta’kidlaydi.
Tadbirda Huawei Consumer BG bo‘limining ijrochi direktori, direktorlar kengashi raisi va Intelligent Automotive Solution bo‘linmasi direktorlar kengashi raisi Richard Yu shunday dedi: “Biz hech qachon innovatsiyalarni joriy etishni to‘xtatmadik va ularni amalga oshirish ishtiyoqidan voz kechmadik. Aynan shu tufayli biz bozorda birinchi uch buklanadigan[1] HUAWEI MATE XT Ultimate design smartfonini ishlab chiqishga muvaffaq bo‘ldik.”
Innovatsion dizayn: estetik san’at mukammalligi
Huawei kompaniyasi qurilmalar dizayni sohasida yetakchilik mavqeyini saqlab qolmoqda va iste’molchilarga o‘ziga xos hamda estetik mahsulotlarni taqdim etishga intilmoqda. HUAWEI MATE XT Ultimate design smartfoni o‘zidan oldingi ULTIMATE DESIGN qurilmalarining mashhur simmetrik dizaynini meros qilib olgan. Qurilmaning yarqiroq yuzasi murakkab sinusoidal ishlov berish jarayoni orqali yaratilgan bo‘lib, har bir egilmasi qurilmaga nafis va o‘ziga xos tashqi ko‘rinish baxsh etadi.
Innovatsion texnologiyalar: ilg‘or ishlanma va tadqiqotlar
Huawei doimo texnologik innovatsiyalarga intilib, uzluksiz tadqiqotlar va rivojlanishga sarmoya kiritish orqali foydalanuvchilarga ilg‘or imkoniyatlar hamda yuqori sifatli qurilmalarni taqdim etadi. Yangi smartfon ikki yo‘naltiruvchi mexanizmli innovatsion yuqori texnologiyali bukilish tizimi bilan jihozlangan bo‘lib, bu qurilmaning ichkariga va tashqariga bukilishini ta’minlaydi. Optimal aniqlik bilan sozlangan o‘ta yengil bukilish konstruksiyalari smartfon ekranlarining nihoyatda ravon bukilishini ta’minlaydi. HUAWEI MATE XT Ultimate design immersive ekrani egiluvchan materiallardan tayyorlangan bo‘lib, turli yo‘nalishlarda bir tekis egiladi hamda ichkariga va tashqariga bukilganda qarshilikka bardoshlidir.
Innovatsion tajriba: hayratomuz imkoniyatlar
HUAWEI MATE XT Ultimate design ekranning bir nechta — bittalik, ikkitalik va uchtalik rejimlariga o‘tish mumkinligi tufayli smartfon imkoniyatlari haqidagi tasavvurlarni o‘zgartirib yuboradi. To‘liq ochilgan holatda katta ekran tomosha qilinayotgan multimedia kontentiga to‘liq sho‘ng‘ish ta’sirini yaratadi va har qanday zarur ma’lumotni tez topish imkonini beradi. Ikki ochilgan ekran holatida smartfon maqolalar va elektron xatlarni o‘qish uchun juda qulay. Yagona ekran holatida esa foydalanuvchi qo‘ng‘iroq qilish yoki suratga olish kabi bitta vazifaga e’tiborini qaratishi mumkin.
Innovatsion suratga olish: hayotning go‘zal onlarini tasvirga muhrlang
Huawei mobil suratga olish innovatsiyalari sohasida yetakchi hisoblanadi. HUAWEI MATE XT Ultimate design yupqa korpusida HUAWEI XMAGE tasvirlarni mobil qayta ishlashning kuchli imkoniyatlari mujassamlashgan. 10 bosqichli sozlanadigan fizik diafragma turli xil suratga olish vaziyatlarida ajoyib kadrlar yaratish imkonini beradi. Uzoqdagi tog‘lardan tortib, guldagi mayda hasharotlar fotosuratlarigacha yorqin va maftunkor bo‘lib chiqadi. Kamera, shuningdek, tez harakatlanayotgan obyektlarni ham aql bovar qilmaydigan aniqlik bilan suratga olish imkonini beruvchi tezkor suratga olish funksiyasiga ega.
HUAWEI MATE XT Ultimate design’da amalga oshirilgan mobil qurilmalarning yangi paradigmasi tufayli ish samaradorligi oshadi, vaqtichog‘lik esa qiziqarliroq bo‘ladi. Bozordagi ilk uch buklanadigan smartfon sifatida[2] HUAWEI MATE XT Ultimate design buklanadigan qurilmalar imkoniyatlarini kengaytiradi. Huawei kompaniyasi erishgan yutuqlari bilan cheklanib qolmaydi va ilg‘or texnologiyalar, ajoyib dizayn hamda premium foydalanish tajribasini taklif qilib, yuqori toifadagi brendni yaratadi.
[1]Ma’lumotlar rasman chiqarilgan qurilmalar to‘g‘risidagi ma’lumotlarga muvofiq, 2024-yil 10-sentyabr holatiga ko‘ra dolzarb. HUAWEI MATE XT Ultimate design — bu bozorda taqdim etilgan birinchi uch buklanadigan smartfon.
[2]Ma’lumotlar rasman chiqarilgan qurilmalar to‘g‘risidagi ma’lumotlarga muvofiq, 2024-yil 10-sentyabr holatiga ko‘ra dolzarb. HUAWEI MATE XT Ultimate design — bu bozorda taqdim etilgan birinchi uch buklanadigan smartfon.
Reklama huquqi asosida.
Izoh (0)