Yangi Zelandiyada 40 mingdan ortiq odam mahalliy maori xalqining huquqlarini cheklovchi qonun loyihasiga qarshi namoyishga chiqdi. Bu haqda mahalliy OAV xabar bermoqda.
Parlamentga kiritilayotgan qonun loyihasiga javoban namoyishchilar Yangi Zelandiya bayrog‘ini ko‘tarib, milliy qo‘shiqlar kuylab, poytaxt Vellington ko‘chalariga chiqdi.
Qonun loyihasi 1840-yilda Britaniya vakillari va Maori boshliqlari tomonidan imzolangan Vaytangi shartnomasiga o'zgartirishlar kiritishni ko‘zda tutgan. Ushbu shartnoma Yangi Zelandiya davlatini yaratishga asos solgan deb ishoniladi.
Hujjatga ko‘ra, Yangi Zelandiya Buyuk Britaniya nazoratiga o‘tgan va buning evaziga maorilar o‘zlarining mulkiy va nomulkiy huquqlarini saqlab qolgan, shuningdek, Britaniya himoyasiga ega bo‘lgan.
Qonun loyihasi tanqidchilari uning ma’qullanishi mamlakatda tartibsizliklarga olib kelishi va maori huquqlarini cheklashi mumkinligidan xavotirda.
Biroq qayd etilishicha, qonun loyihasining qabul qilinishi ehtimoli past.
Parlamentdagi maorilar raqsi
E’tiborlisi, mazkur qonun loyihasi muhokamasida Yangi Zelandiya parlamentida maori deputatlari norozilik sifatida raqsga tushgandi.
Deputatlar zalda an’anaviy maori raqsi — hakuni ijro etdi. Shu tariqa ular 184 yil avval inglizlar va mahalliy maorilar o‘rtasidagi shartnomani qayta ko‘rib chiqishga qaratilgan qonun loyihasiga e’tiroz bildirdi.
Izoh (0)