Бугун, 21 октябрь куни шимолий ҳудудларга нам ҳаво массалари кириб келиши кутилмоқда, бунинг натижасида куннинг иккинчи ярмида Бухоро, Навоий вилоятларида ва кечга томон Хоразм вилоятида баъзи жойларда бир оз ёмғир ёғади, деб хабар бермоқда “Ўзгидромет”.
Кундузи ҳаво ҳарорати 24-27 даражани, шимолда 12-17 даражани ташкил этади.
22 октябрь, сешанба куни республика ҳудудининг катта қисмида ёмғир ёғади, шамол баъзи жойларда 15-18 метр/секундгача кучайиши кутилмоқда. Кундузги ҳарорат 15-20 даражагача пасаяди.
Чоршанба ва пайшанба кунлари фақат республиканинг жанубий ва шарқий ҳудудларида ёмғир ёғиши эҳтимоли бор. Ўзбекистон бўйича энг жадал ёмғир ёғиши 25 октябрга прогноз қилинмоқда.
Ҳаво ҳарорати 23 октябрда кечаси 8-13 даража, кундузи 10-15 даража, 24 октябрда кечаси 5-10 даража, кундузи 12-17 даража, 25 октябрда кечаси 5-10 даража, кундузи 14-19 даража бўлади.
22 октябрдан 25 октябргача республиканинг тоғолди ва тоғли ҳудудларида баъзи жойларда ёмғир ёғиши кутилмоқда, 23—25 октябрда айрим ҳудудларда баъзи жойларда кучли ёмғир ёғиши мумкин, баланд тоғли ҳудудларда қорга айланади.
Тошкентда сешанба куни кечга томон вақти-вақти билан ёмғир ёғади. Ҳарорат кечаси 11-13 даража, кундузи 17-19 даража бўлади. 23—24 октябрда ҳам ёмғир ёғиши мумкин. Ҳарорат 23 октябрда кечаси 11-13 даража, кундузи 13-15 даража, 24 октябрда кечаси 8-10 даража, кундузи 15-17 даража бўлади.
Изоҳ (0)