Dam olish kunlari O‘zbekiston hududining katta qismida iliq va asosan quruq ob-havo saqlanib turadi,deb xabar bermoqda “O‘zgiromet”.
Faqat 19-oktyabrda Qoraqalpog‘iston Respublikasining ayrim joylarida yomg‘ir yog‘ishi mumkin. 20-oktyabrda Qoraqalpog‘iston Respublikasi, Xorazm viloyatida baʼzi joylarda yomg‘ir yog‘adi.
Shamol 7-12 metr/sekund tezlikda esadi, shimolda va cho‘l hududlarda 13-18 metr/sekundgacha kuchayishi mumkin.
Havo harorati asta-sekin ko‘tariladi va 20-oktyabrga kelib kechasi 10-12 darajani, kunduz kuni 25-28 darajani tashkil etadi.
Toshkentda havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Harorat kunduzi 19-oktyabrda kechasi 6-8 daraja, kunduzi 23-25 daraja, 20-oktyabrda kechasi 9-11 daraja, kunduzi 25-27 daraja bo‘ladi.
Izoh (0)