O‘zbeklar orzu-havasli millat. O‘zbekning tug‘ilgan kuni, to‘yi, umuman olganda har qanday xursandchilik kuni san’atkorlarsiz o‘tmaydi. Xo‘sh, to‘ylarga sevimli san’atkorini taklif qilish muxlislarga qanchaga tushadi? Quyida shu haqda so‘z yuritiladi.
Nasiba Abdullayeva
O‘zbekiston xalq artisti Nasiba Abdullayeva Toshkent to‘ylarida birrovga xizmat qilish narxini 1500 dollar etib belgilagan.
Bahrom Nazarov
Xonanda Bahrom Nazarov 500 dollar evaziga to‘yingizni sho‘x qo‘shiqlari bilan “qizdirib” beradi.
Farhod Saidov
Xonanda Farhod Saidov 1200 dollar evaziga Toshkent to‘ylarida eng xit qo‘shiqlari bilan xizmatda bo‘ladi.
Mavluda Asalxo‘jayeva
Mavluda Asalxo‘jayevaning poytaxt to‘ylaridagi birrov xizmati narxi 600 dollar qilib belgilangan.
Tohir Sodiqov
O‘zbekistonda xizmat ko‘rsatgan artist Tohir Sodiqovni to‘yingizga chaqirmoqchi bo‘lsangiz, 2000 dollar tayyorlab qo‘yavering.
DJ Piligrim
DJ Piligrim oilangizning xursandchilik kunida xizmat qilishi uchun unga 3000 dollar berish kerak bo‘ladi.
Hamdam Sobirov
O‘zbek shou-biznesining “xitmeyker”i Hamdam Sobirov poytaxtdagi to‘ylarga 700 dollar evaziga boradi.
Yorqinxo‘ja Umarov
O‘zbekiston madaniyat vaziri Ozodbek Nazarbekovning kuyovi, xushovoz xonanda Yorqinxo‘ja Umarovning “birrov” narxi — 500 dollar.
Gulsanam Mamazoitova
O‘zbekiston xalq artisti Gulsanam Mamazoitova 600 dollar evaziga to‘yingizga tashrif buyuradi.
Lola Yo‘ldosheva
Xonanda Lola Yo‘ldoshevaning poytaxt to‘ylarida 4-5 ta qo‘shiq ijro etishi 1100 dollarga tushadi.
Ozoda Nursaidova
Ozoda Nursaidova poytaxt to‘ylaridagi birrov xizmatini 1200 dollarga baholaydi.
Jahongir Poziljonov
Agar to‘yingizga Jahongir Poziljonovni chaqirmoqchi bo‘lsangiz, 600 dollar tayyorlab qo‘ying.
Jahongir Otajonov
Poziljonovning adashi Jahongir Otajonovning birrov xizmati narxi unikidan ancha qimmat. Xonandaning jonli ijrodagi 4-5 ta qo‘shig‘ini tinglash bahosi — 3000 dollar.
Jaloliddin Ahmadaliyev
Professional ta’lim olmaganiga qaramay, ketma-ket xit qo‘shiqlarni muxlislari e’tiboriga havola etayotgan xonanda Jaloliddin Ahmadaliyevni to‘yga chaqirmoqchi bo‘lsangiz, 3000 dollar tayyorlab qo‘yishga to‘g‘ri keladi.
Ziyoda
Xonanda Ziyoda poytaxt to‘ylariga 500-550 dollarga borib beradi.
Nilufar Usmonova
Nilufar Usmonovaning muxlislari uni 600 dollarga to‘yga chaqirishlari mumkin.
Rayhon
O‘zbekistonda xizmat ko‘rsatgan artist Rayhon G‘aniyevaning birrov xizmati 800 dollarga baholanadi.
Munisa Rizayeva
Xonanda Munisa Rizayeva 1200 dollar evaziga to‘yingizda davrani sho‘x qo‘shiqlari bilan “qizdirib” beradi.
Yulduz Usmonova
O‘zbekiston xalq artisti Yulduz Usmonovaning poytaxt to‘ylarida birrov xizmat qilishi uchun unga 2000 dollar to‘lash kerak bo‘ladi.
Sevara Nazarxon
O‘zbekistonda xizmat ko‘rsatgan artist Sevara Nazarxon to‘yga borib, 4-5 ta qo‘shiq aytib berish narxini 3000 dollarga baholaydi.
Ulug‘bek Rahmatullayev
Ulug‘bek Rahmatullayev 600 dollar evaziga to‘yingizga kelib, o‘zining sara qo‘shiqlarini kuylab beradi.
Shohruxxon
To‘yingizga Shohruxxon kelishini istasangiz, 700 dollarni tayyorlab qo‘yavering.
Farrux Zokirov
O‘zbekiston xalq artisti Farrux Zokirov “Kelibdi” qo‘shig‘i bilan to‘yni ochib berib, yana bir nechta xit qo‘shiqlarini kuylab berishi narxi— 2000 dollar.
Rashid Xoliqov
O‘zbekistonda xizmat ko‘rsatgan artist Rashid Xoliqov Toshkent to‘ylariga 1000 dollar evaziga tashrif buyuradi.
Izoh (0)