Rossiyaning Qozog‘istonda atom elektr stansiyasi (AES) qurilishida ishtirok etishi bilan bog‘liq siyosiy xavf-xatarlar masalasi “ular yuzaga kelishi bilan” hal etiladi. Bu haqda bosh vazirning birinchi o‘rinbosari Roman Sklyar ma’lum qildi.
-rz4qPg-c.jpg)
“Ehtimol, qaror qabul qilinadi, bu konsorsium bo‘ladi, chunki hamkasblaringiz hozir xavfsizlik eng muhim masala ekanligini so‘rashdi. Bundan tashqari, biz quriladigan eng zamonaviy stansiyada o‘z sohasida yetakchi bo‘lgan ishlab chiqaruvchi mamlakatlarning eng yangi loyiha yechimlari va texnologiyalari qo‘llanilishidan manfaatdormiz.
Shu sababli, qaror qabul qilinadi. Konfiguratsiyasi bo‘yicha bu bilan bitta mamlakat emas, balki maxsus loyiha guruhi shug‘ullanadi. Ehtimoliy siyosiy xavf-xatarlar esa ularning yuzaga kelish jarayonida, ya’ni loyihalash paytida ko‘rib chiqiladi. Agar shunday xavf-xatarlar paydo bo‘lsa, tabiiyki, turli kompaniyalar va mamlakatlar bilan tuziladigan shartnomalarda sanksiyalar ulushi ko‘zda tutiladi”, dedi Sklyar.
U shu tariqa hukumatdagi matbuot anjumanida Rossiya bilan bog‘liq siyosiy xavf-xatarlar haqidagi savolga javob berdi.
Qozog‘istonda AES qurish masalasi
AES Balxash ko‘li bo‘yida qurilishi rejalashtirilgan. Loyiha qiymati 10-15 milliard dollarga baholanmoqda. Stansiyani qurishda ishtirok etishi mumkin bo‘lgan kompaniyalar orasida Qozog‘iston hukumati “Rosatom”, KHNP (Janubiy Koreya), EDF (Fransiya) va China National Nuclear Corporation’ni (Xitoy) tanlagan.
6-oktyabr kuni Qozog‘istonda atom elektr stansiyasi qurilishi bo‘yicha referendum o‘tkazildi. Referendumda qatnashgan fuqarolarning 71,12 foizi yoqlab, 28,88 foizi qarshi ovoz bergan. AES bo‘yicha umumxalq referendumida saylovchilarning 63,66 foizi – 7 million 820 ming 204 kishi ishtirok etgan.
Izoh (0)