Turkmaniston sobiq prezidenti va Xalq maslahati raisi Gurbanguli Berdimuhamedov Turkiya prezidenti o‘g‘li Bilol Erdo‘g‘onga itlar sovg‘a qildi. Bu haqda “Xronika Turkmenistana” xabar berdi.
Butunjahon etnik sport konfederatsiyasi raisi Bilol Erdo‘g‘on Turkmaniston mustaqilligi kuni arafasida Ashxobodga tashrif buyurgan. Gurbanguli Berdimuhamedov u bilan Turkmanistonda sportni rivojlantirish masalalarini muhokama qilgan.
Bayram sovg‘asi sifatida Berdimuhamedov unga ikkita Alabay itini sovg‘a qilgan. Mehmonga Arqadag‘ shahri ham ko‘rsatilgan. Mazkur shahar 29-iyun kuni ochilgan bo‘lib, uning qiyofasida milliy me’morchilik an’analari hamda me’morchilik va dizayndagi zamonaviy yo‘nalishlar uyg‘unlashgan.
Ta’kidlanishicha, amaldagi prezident Serdar Berdimuhamedov Bilol Erdo‘g‘on bilan “sport sohasidagi ikki tomonlama hamkorlikni faollashtirish”ni ham muhokama qilgan.
Izoh (0)