Olmaotaning “Qayrat” klubi bosh murabbiyi Rafael O‘razbaxtin chap qanot himoyachisi Ibrohimxalil Yo‘ldoshevning so‘nggi o‘yinlardagi harakatlaridan noroziligini bildirdi. Mutaxassisning fikricha, o‘zbekistonlik futbolchi juda ko‘p xatolarga yo‘l qo‘ymoqda.
O‘razbaxtin Rossiya klubi bilan o‘yin yakunida Yo‘ldoshev charchab qolganini aytdi.
“Biz uni avvalroq almashtirishni rejalashtirgan edik, ammo vaqt yetmadi. Bilasizmi, bu jismoniy holat haqida ham emas. Ehtimol u ko‘p xato qilmoqda shu sababdan ham ko‘p kuch yo‘qotmoqda. Uning xatolari sabab biz ko‘proq ish qilishimizga to‘g‘ri kelmoqda”, dedi “Qayrat” bosh murabbiyi.
Ma’lumot uchun, Qozog‘iston klubi Rossiyaning “Zenit” klubi bilan o‘rtoqlik uchrashuvida 3:4 hisobida mag‘lub bo‘ldi. “Qayrat“ klubidan gollarga Joau Paulo, Yug Stanoyev va Vyacheslav Shvyrevlar mualliflik qildi.
Ibrohimxalil Yo‘ldoshev yanvar oyida “Nijniy Novgorod”dan “Qayrat” jamoasiga ijara asosida o‘tgan edi.
Izoh (0)