Qanot Sharq aviakompaniyasining 26-avgust kuni Istanbuldan Samarqandga uchayotgan samolyoti favqulodda qo‘ndi.
Aviakompaniya matbuot xizmatining ma’lum qilishicha, HH572 reysini amalga oshirayotgan Airbus A-320-214 samolyoti Turkiyaning Amasya viloyatidagi Merzifon aeroportiga rejalashtirilmagan qo‘nishni amalga oshirdi.
Haberler Ozel’ning yozishicha, bunga salondagi bosimning pasayishi sabab bo‘lgan. Qanot Sharq bortdagi yo‘lovchilarning hech biri jabrlanmaganini bildirdi.
Aviakompaniya yo‘lovchilarni olib kelish uchun UK 32110 zaxira samolyotini jo‘natgan va HH-572 reysidagi ushbu samolyot 27-avgust kuni Samarqandga muvaffaqiyatli qo‘ngan.
Ma’lum qilinishicha, 27-avgust kuni amalga oshirilishi kerak bo‘lgan quyidagi reyslar texnik sababga ko‘ra bekor qilindi:
- HH-741 Samarqand—Sankt-Peterburg;
- HH-744 Sankt-Peterburg—Namangan;
- HH-743 Namangan—Sankt-Peterburg;
- HH-742 Sankt-Peterburg—Samarqand.
Yo‘lovchilarga chipta narxi 100 foiz qaytarib beriladi.
Izoh (0)