Истанбулдан Самарқандга учаётган самолёт фавқулодда қўнди

Qanot Sharq авиакомпаниясининг 26 август куни Истанбулдан Самарқандга учаётган самолёти фавқулодда қўнди.

Авиакомпания матбуот хизматининг маълум қилишича, HN572 рейсини амалга ошираётган Airbus А-320-214 самолёти Туркиянинг Амася вилоятидаги Мерзифон аэропортига режалаштирилмаган қўнишни амалга оширди.

Haberler Оzel’нинг ёзишича, бунга салондаги босимнинг пасайиши сабаб бўлган. Qanot Sharq бортдаги йўловчиларнинг ҳеч бири жабрланмаганини билдирди.

Авиакомпания йўловчиларни олиб келиш учун UK 32110 захира самолётини жўнатган ва HH-572 рейсидаги ушбу самолёт 27 август куни Самарқандга муваффақиятли қўнган.

Маълум қилинишича, 27-август куни амалга оширилиши керак бўлган қуйидаги рейслар техник сабабга кўра бекор қилинди:

HH-741 Самарқанд—Санкт-Петербург;
HH-744 Санкт-Петербург—Наманган;
HH-743 Наманган—Санкт-Петербург;
HH-742 Санкт-Петербург—Самарқанд.

Йўловчиларга чипта нархи 100 фоиз қайтариб берилади.