Qashqadaryo viloyatining Shahrisabz va G‘uzor tumanlarida isteʼmolga yaroqsiz yog‘ mahsulotini ishlab chiqarish holatlari fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
![](/static/2024/08/12/2024-08-12 18.50.32-rvzrWFae.jpg)
Maʼlum qilinishicha, fuqaro F.N. Shahrisabz tumani “Xontepa” MFY hududida joylashgan noturar binoda va fuqaro H.N. G‘uzor tumani “Eskibog‘” MFYda joylashgan yashash xonadonining yordamchi xo‘jaligida yashirin sex tashkil etib, yog‘ ishlab chiqarish bilan shug‘ullanib kelayotganligi aniqlangan. Ushbu sexlardan 211 litr isteʼmolga yaroqsiz yog‘, 146 kg chigit, 3 dona juvoz uskunasi va boshqa ishlab chiqarishda foydalanilgan tovar moddiy boyliklari ashyoviy dalil sifatida olingan.
Mazkur holatlar yuzasidan Jinoyat kodeksining 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)