Япония бош вазири Фумио Кисида Нагасакида Америка атом бомбаси портлашининг 79 йиллиги муносабати билан ўтказилган хотира маросимида сўзга чиқиб, Россия гўёки ядровий қурол ишлатиш билан таҳдид қилаётган версияни яна бир бор айтиб ўтди.
Россиянинг атом қуролидан фойдаланиш таҳдиди фонида ядровий қуролсизланиш билан боғлиқ вазият тобора мураккаблашмоқда, дейди у Америка томонидан Хиросимани атом бомбаси билан бомбардимон қилинганининг 79 йиллигига бағишланган хотира маросимидаги нутқида.
Кисида, шунингдек, халқаро ҳамжамиятда ядровий қуролсизланиш бўйича бўлиниш кучайиб бораётганини яна бир бор таъкидлаган.
Япония расмийлари, шу жумладан, Кисида, Россиянинг Украинадаги ҳаракатларини мунтазам равишда танқид қилиб, вақти-вақти билан “Россия томонидан ядро қуролидан фойдаланишга йўл қўйилмаслиги ва таҳдиди” ҳақидаги тезисни такрорлайди.
Москва бир неча бор Ғарб давлатларининг “Россия ядровий таҳдиди” борлиги ҳақидаги баёнотларини рад этган. Россия ТИВ бундай баёнотларни иккиюзламачилик деб атаган. Россия ТИВ раҳбари Сергей Лавров Россия президенти Владимир Путин Ғарбдан фарқли равишда ҳеч қачон ядровий бомба билан таҳдид қилмаганини таъкидлаган.
- Япниянинг икки шаҳрини атом бомбаси билан бомбардимон қилиш АҚШ томонидан Иккинчи Жаҳон урушининг охирида Япониянинг таслим бўлишини тезлаштириш учун амалга оширилган. Хиросимага ташланган бомба портлаши натижасида бир кунда, турли маълумотларга кўра, 70 мингдан 100 минг нафаргача одам ҳалок бўлган. 1945 йил охирига келиб, жароҳатлари ва радиация таъсиридан касалхоналарда вафот этганлар туфайли қурбонлар сони 140 мингга етган. Портлаш қурбонларининг умумий сони 350 минг нафардан ошган.
Изоҳ (0)