O‘tgan haftada Parij va uning atrofida sodir etilgan jinoyatlar soni ko‘paydi, deb xabar berdi Fransiya OAV mamlakat ichki ishlar vazirligiga tayanib.
Ushbu ma’lumotlarga ko‘ra, zo‘ravonlik bilan sodir etilgan o‘g‘irliklar soni o‘tgan haftaga nisbatan 17 foizga, kuch ishlatmasdan sodir etilgan o‘g‘irliklar 6 foizga, jamoat transportida sodir etilgan o‘g‘irliklar 8 foizga oshgan. Hujumlar soni esa 10 foizga ko‘paygan.
Ayni paytda avtomobillar bilan bog‘liq o‘g‘irliklar soni 13 foizga kamaygani qayd etilgan. Fransiya rasmiylari Parijdagi yozgi Olimpiya o‘yinlarida jinoyatchilikka qarshi kurash mavzusiga jiddiy e’tibor qaratmoqda.
O‘tgan hafta oxirida Fransiya ichki ishlar vaziri Jerald Darmanin Parijdagi Olimpiada o‘yinlari boshlanganidan beri 200 kishi hibsga olinganini ma’lum qilgandi.
Il-de-Frans mintaqasidagi Olimpiada o‘yinlari joylashgan hududda 35 ming politsiya va jandarm, 18 ming harbiy xizmatchi va xususiy xavfsizlik kompaniyalarining bir necha ming xodimlari joylashgan.
Ma’lumot uchun, 26 iyulda boshlangan Parij yozgi Olimpiada o‘yinlari 11 avgustga qadar davom etadi.
Izoh (0)