Ukraina moliya vaziri Sergey Marchenko urushning har bir kuni Kiyevga 120 million yevroga tushishini aytdi. Bu haqda Bild xabar berdi.
Marchenkoning so‘zlariga ko‘ra, Kiyevning xavfsizlik va mudofaa uchun oylik xarajatlari taxminan 3,7 milliard yevroni tashkil qiladi. Ukrainaning 2024-yilgi byudjetiga 11 milliard yevrodan ortiq mablag‘ yetishmaydi. Ushbu mablag‘larning aksariyati soliqlarni oshirish orqali to‘planishi kerak, buning uchun hukumat yaqinda yangi qonun loyihasini taqdim etgan.
Ikki yildan oshgan Rossiyaning keng ko‘lamli bosqinidan beri Ukraina byudjeti yarmidan ko‘pi G‘arb davlatlarining kreditlari va grantlari bilan to‘ldirilgan. Xalqaro valyuta jamg‘armasi (XVJ) iyun oyida Ukrainaning 2024-yil uchun YIM o‘sishi prognozini aprel oyidagi 3,2 foizlik prognozga nisbatan 2,5-3,5 foizga tushirgandi.
O‘tgan yili Ukraina mudofaa vaziri bo‘lgan Aleksey Reznikov Rossiyaga qarshi urushning bir kunlik xarajatlarini 100 million dollarga baholagandi. U aslida armiya Ukraina fuqarolari tomonidan ta’minlanishi, chunki ular ishlashi va davlat byudjetiga yuboriladigan soliqlarni to‘lashini aytgandi.
Izoh (0)