2024-yilda Parijda bo‘lib o‘tadigan Olimpiadada erkaklar o‘rtasidagi triatlon musobaqasi rasman boshqa kunga ko‘chirildi. Musobaqa 31-iyul kuni bo‘lib o‘tadi.
Dastlab, erkaklar o‘rtasidagi triatlon bugun, 30-iyul kuni o‘tkazilishi kerak edi. Agar poyga bilan bog‘liq muammolar yuzaga kelsa, zaxira kuni 2-avgustga qoladi.
28-iyul, yakshanba va 29-iyul, dushanba kunlari triatlonchilar suzishi kerak bo‘lgan Senada suv sifati yomon bo‘lgani uchun mashg‘ulotlar o‘tkazilmadi. 2024-yilgi Olimpiada o‘yinlari tashkilotchilari Parijda juma va shanba kunlari (26—27-iyul) bo‘lgan kuchli yog‘ingarchilik tufayli suv ifloslanganini aytmoqda.
O‘yinlarni tashkil etuvchi qo‘mita va Butunjahon triatlon qo‘mitasi sportchilar salomatligi birinchi o‘rinda turishini ta’kidladi.
Izoh (0)