Fransiyaning Parij shahrida yozgi Olimpiada bahslari bo‘lib o‘tmoqda.
Olimpiada doirasida boks musobaqasining +92 kggacha bo‘lgan bokschilar bahsida o‘zbekistonlik bokschi Bahodir Jalolov norvegiyalik Omar Shihaga qarshi ringga ko‘tarildi.
Birinchi raundda Bahodir raqibini nokdaun holatiga tushirdi. Raund to‘liq o‘zbekistonlik bokschining ustunligi bilan yakunlandi. Ikkinchi raundda ham Bahodir ochkolar bo‘yicha ustunlikka ega bo‘ldi.
Uchinchi raundda ham raqibiga imkon qoldirmagan Jalolov keyingi bosqichga yo‘l oldi. Keyingi bahs chorak finalda avstraliyalik Teremoana Juniorga qarshi bo‘lib o‘tadi.
