37 yoshli ukrainalik bokschi, og‘ir vaznda jahon chempioni Oleksandr Usik onasi undan bokschilik faoliyatini yakunlashini so‘rayotganini ma’lum qildi.
“Tayson Fyuriga qarshi jangdagi g‘alabadan so‘ng onam hamma narsaga erishganimni, endi faoliyatimni yakunlashim mumkinligini aytdi. Lekin men shartnomam borligi, unda revansh bandi ham kiritilganini tushuntirdim. Onam inglizcha tushunmaydi, shuning uchun bemalol aytishim mumkin: jang qilishda davom etaman.
Boksni sevaman. Hali kuchim borligini his qilyapman. Boks — mening hayotim”, — deydi Usik.
Eslatib o‘tamiz, 19-may kuni Usik Fyurini ochkolar hisobida mag‘lub etib, mutlaq jahon chempioniga aylangandi.
Ushbu jangdan so‘ng Oleksandr Usik barcha 5 kamarga egalik qilish bilan bir qatorda, mutlaq chempionga aylandi. Iyun oyida esa ukrainalik bokschi o‘z ixtiyoriga ko‘ra IBF kamaridan voz kechdi. Oleksandr 2021-yil 21-sentabrda Entoni Joshuani mag‘lub etib, IBF yo‘nalishi bo‘yicha jahon chempioni bo‘lgan edi.
Izoh (0)