Dmitriy Bivol va Artur Beterbiyev Usik—Fyuri kardida jang qilishi mumkin.
Bu haqida Tayson Fyurining menejeri Spenser Braun ma’lum qildi.
“Usik va Fyuri kelishuvga erishdi. Barchasi tayyor. Jang 21-dekabr kuni bo‘lib o‘tadi deb umid qilaman. Hali hammasi rasmiy emas. Tez orada anons e’lon qilinadi, jang 13-dekabrga ko‘chirilishi ham mumkin.
Shuningdek, ularning kardida Bivol va Beterbiyev jangini ko‘rishimiz ham mumkin. 3 ta sanani ko‘rib chiqmoqdamiz, lekin jang Riyadh Season doirasida bo‘lishi aniq”, — deydi Braun.
Avvalroq Bivol va Beterbiyev o‘rtasidagi jang 12-oktyabr kuni bo‘lib o‘tishi aytilgandi. Keyinchalik esa Beterbiyev hali shartnoma imzolamaganini ma’lum qilgandi.
Izoh (0)