Vampirlar haqida hikoya qiluvchi “Sumerki” franshizasi yakuniy qismining ikkinchi epizodida yana bir qahramon — Edvard Kallen va Bellaning qizi Renesmi ham ishtirok etadi. Syujetga ko‘ra, yarim inson va yarim vampir bo‘lgan Renesmi o‘zining aql bovar qilmaydigan go‘zalligi bilan barchani lol qoldiradi.
Barchaning yodida qolgan mazkur rolni aktrisa Makkenzi Foy gavdalantirgan. U 2000-yilda tug‘ilgan va filmni suratga olish paytida atigi 6 yoshda bo‘lgan. “Sumerki” yakuniy qismining premyerasi 2012-yilda bo‘lib o‘tgan.
Film boshida Bella o‘lim yoqasida bo‘ladi, shu vaqtda tug‘ilgan chaqaloq ham otasi, ham onasining jihatlarini o‘zida mujassam etadi. Renesmi daqiqa sayin o‘sadi va otasi kabi noyob kuchga ega bo‘ladi.
Vampirlar haqidagi filmda suratga tushishdan avval Makkenzi modellik agentligida ishlagan va epizodik rollarni ijro etgan, ammo aynan Kristen Styuart va Robert Pattinson (Bella va Edvard) bilan hamkorlikdagi ishi unga mashhurlik keltirgan.
Renesmi hozir qanday ko‘rinishga ega?
Aktrisa hozirda 23 yoshda. “Sumerki”dan keyin “Lan’at” va hatto “Interstellar” filmlarida ishtirok etgan, ammo 2020-yildan keyin aktyorlik faoliyatini to‘xtatgan.
Foy noodatiy go‘zal ko‘rinishda voyaga yetdi. Instagram’da uning fotosuratlari ostida muxlislar tez-tez aktrisani vampirlarning qizidek go‘zal deb ta’rif beradi.
Makkenzi ot sportini yaxshi ko‘radi va ko‘pincha otlar bilan tushgan fotosuratlarini ijtimoiy tarmoqqa joylaydi.
Aktrisa intervyu berishdan doim bosh tortadi va shaxsiy hayoti haqida hech qanday ma’lumot bermaydi. Shunga qaramay, Foy tarmoqlarda eng mashhur va go‘zal aktrisalardan biri bo‘lib qolmoqda.
Izoh (0)