“Iqlim o‘zgarishi bolalarga yomon ta’sir ko‘rsatadi” — iqlim va atrof-muhit bo‘yicha ekspert Antonio Ivanovskiy

Iqlim va atrof-muhit bo‘yicha ekspert Antonio Ivanovskiyning “Daryo” muxbiriga bergan qisqacha intervyusida aytib o‘tishicha, Markaziy Osiyo jaziramaga moyil o‘lka va bu yerda kelajakda qurg‘oqchilik bo‘lishi ehtimoli yuqori.

Kelgusida bo‘ladigan qurg‘oqchilik suv sifati, insonlar, qishloq xo‘jaligiga katta ta’sir qiladi. O‘z navbatida bu ta’sirlar turizmda ham seziladi.

Afsuski global issiqlik ta’sirlari yosh farzandlarimizni chetlab o‘tmaydi. Jumladan, O‘zbekistondagi issiq iqlim bolalarga yomon ta’sir qiladi. Bunga qarshi kurashishga esa ularning immuniteti noziklik qiladi. Shuning uchun ular badanini sovitish uchun ko‘proq quvvat va vaqt kerak bo‘ladi.

Nafaqat qurg‘oqchilik, balki havo ifloslanishi oqibatida yangi tug‘ilgan chaqaloqlarda tug‘ma kasalliklar ortadi, — dedi Antonio Ivanovskiy.

Uning qo‘shimcha qilishicha, yuqoridagilarni hisob olgan holda O‘zbekiston elektr energiya ishlab chiqarishda ekologiyaga katta e’tibor qaratishi kerak. Bu nafaqat iqlim o‘zgarishiga, balki havo tozaligiga ham ta’sir qiladi.