“Иқлим ўзгариши болаларга ёмон таъсир кўрсатади” — иқлим ва атроф-муҳит бўйича эксперт Антонио Ивановский

Иқлим ва атроф-муҳит бўйича эксперт Антонио Ивановскийнинг “Дарё” мухбирига берган қисқача интервьюсида айтиб ўтишича, Марказий Осиё жазирамага мойил ўлка ва бу ерда келажакда қурғоқчилик бўлиши эҳтимоли юқори.

Келгусида бўладиган қурғоқчилик сув сифати, инсонлар, қишлоқ хўжалигига катта таъсир қилади. Ўз навбатида бу таъсирлар туризмда ҳам сезилади.

Афсуски глобал иссиқлик таъсирлари ёш фарзандларимизни четлаб ўтмайди. Жумладан, Ўзбекистондаги иссиқ иқлим болаларга ёмон таъсир қилади. Бунга қарши курашишга эса уларнинг иммунитети нозиклик қилади. Шунинг учун улар баданини совитиш учун кўпроқ қувват ва вақт керак бўлади.

Нафақат қурғоқчилик, балки ҳаво ифлосланиши оқибатида янги туғилган чақалоқларда туғма касалликлар ортади, — деди Антонио Ивановский.

Унинг қўшимча қилишича, юқоридагиларни ҳисоб олган ҳолда Ўзбекистон электр энергия ишлаб чиқаришда экологияга катта эътибор қаратиши керак. Бу нафақат иқлим ўзгаришига, балки ҳаво тозалигига ҳам таъсир қилади.