Toshkentda 40 yoshli erkak gul do‘konidagi sotuvchi qizni bo‘g‘ib, yana ikki yigitni kaltaklashi, matbuot va ommaviy axborot vositalari xodimlari kuni munosabati bilan soha xodimlarining bir guruhi mukofotlanishi, ikkinchi xotinining 11 yashar qizini zo‘rlab kelgan erkak qo‘lga olinishi — “Daryo” nashri bugun, 26-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Narpay tumani hokimi almashdi
2020-yildan buyon tumanga rahbarlik qilib kelgan Sherzod Rahmanov lavozimdan ozod etildi.
YUNISEFning O‘zbekistondagi vakolatxonasi rahbari Ijtimoiy himoya milliy agentligi rahbariyati bilan uchrashdi
Uchrashuvda BMT Bolalar jamg‘armasi vakolatxonasi va agentlik o‘rtasidagi hamkorlik loyihalari muhokama qilindi.
Shavkat Mirziyoyev Matbuot va ommaviy axborot vositalari xodimlari kuni munosabati bilan soha xodimlarining bir guruhini mukofotladi
“Daryo” bosh muharriri Ahmad Yusupov “Shuhrat” medaliga munosib ko‘rildi.
Toshkentda 40 yoshli erkak gul do‘konidagi sotuvchi qizni bo‘g‘ib, yana ikki yigitni kaltakladi (video)
Muqaddam sudlangan ushbu shaxsga nisbatan jinoyat ishi qo‘zg‘atildi.
Past Darg‘om hokimi o‘z arizasiga ko‘ra lavozimidan ozod etildi
Narpay tumanining sobiq hokimi uning o‘rniga tayinlandi.
Qabul-2024: O‘zbekistonda OTMga qancha abituriyent hujjat topshirgani ma’lum bo‘ldi
Eng ko‘p hujjat Toshkent shahri, Samarqand, Qashqadaryo va Farg‘ona viloyatidan topshirilgan.
Tazyiq va zo‘ravonlikka uchragan xotin-qizlarga ijtimoiy xizmat ko‘rsatish tartibi tasdiqlandi
Ular voyaga yetmagan farzandlari bilan birlamchi ko‘mak xonasiga joylashtiriladi.
Toshkent yerusti metrosi vagonlarida konditsioner ishlamayotgani sababi ochiqlandi
Sovitish tizimi bilan bog‘liq kamchiliklarni bartaraf etish maqsadida Rossiyadan 15 dan ziyod mutaxassislar jalb etilgan.
Shavkat Mirziyoyev Turkiya milliy mudofaa vazirini qabul qildi
Xavfsizlik sohasida, terrorizm, ekstremizm va radikalizmga qarshi kurashishda hamkorlikni mustahkamlashga alohida eʼtibor qaratildi.
“Bugungi kunda matbuot ishi mudofaa, xavfsizlik kabi hal qiluvchi sohaga aylanib bormoqda” — Shavkat Mirziyoyev OAV xodimlariga tabrik yo‘lladi
Davlat rahbari OAV vakillarini 27-iyun — Matbuot va ommaviy axborot vositalari xodimlari kuni bilan qutladi.
Jizzaxda 4 yigit bir erkakni ayovsiz kaltaklagani aytilgan xabarga izoh berildi
Jabrlanuvchi ayni paytda shifoxonada.
Ikkinchi xotinining 11 yashar qizini zo‘rlab kelgan erkak qo‘lga olindi
Holat yuzasidan jinoyat ishi qo‘zg‘atilgan.
Izoh (0)