Samarqand viloyati Urgut tumanida opiy giyohvandlik moddasini sotishga uringan shaxs qo‘lga olindi. Bu haqda viloyat IIB axborot xizmati xabar berdi.
Qayd etilishicha, 17-iyun kuni Samarqand viloyati IIB xodimlari tomonidan Samarqand shahrida tezkor tadbir o‘tkazilgan. Tadbirda 47 yoshli fuqaro 1 kilogramm opiy giyohvandlik moddasini xaridorga 150 million so‘mga sotayotgan vaqtida daliliy ashyolar bilan qo‘lga olingan.
Surishtiruv ishlari davomida mazkur shaxsning vaqtincha yashash manzili yotoqxonasidan gashish va opiy saqlab kelayotgani ma’lum bo‘lgan.
To‘plangan hujjatlar tergov boshqarmasiga topshirilgan, holat yuzasidan surishtiruv ishlari davom etmoqda.
Avvalroq Farg‘onada 17 yoshli bola yashayotgan uydan 30 kilodan ortiq narkotik moddalar topilgani to‘g‘risida xabar berilgandi. Shuningdek, Samarqandda fuqaroning uyidan salkam 32 kilo marixuana topilgan, Qirg‘izistonda O‘zbekistonga giyohvand moddalar tashish bilan shug‘ullangan shaxs qo‘lga olingan edi.
Izoh (0)