Eron tashqi ishlar vaziri Ali Bag‘eri Kani Yaqin Sharqda Isroil rejimi mavjud ekan, mintaqada tinchlik bo‘lmasligini maʼlum qildi. Bu haqda vazirning bayonotga asoslanib, IRNA nashri xabar bergan.
Eron vakili Isroilning Yaqin Sharqdagi ulkan ambitsiyalari va geosiyosiy tahdidlari sharoitida tinchlikka erishish imkonsiz ekanini bildirgan. Xalqaro hamjamiyatning xatti-harakatlariga qaramay Tel-Aviv o‘zining agressiv tashqi siyosatidan qaytmasligini bildirgan.
“G‘azo, Falastin va mintaqaga qarshi jinoyatlar, ishg‘ol va hujumlarni aslo oqlab bo‘lmaydi. Sionistik rejimning davomli bosqin va tajovuziga qaramay, mintaqa tinchlikka qaytadi degan fikr sarobdan boshqa narsa emas”, — degan tashqi ishlar vaziri Bag‘eri Kani.
Manbada aytilishicha, Eron xorijiy idorasi rahbari 20-iyun kuni Qatarga tashrif buyurgan. Elchining ko‘plab yangi bayonotlari ham Dohada Al Jazeera telekanaliga berilgan intervyu paytida yangragan.
Qatarda Bag‘eri hukumat rasmiylari bilan uchrashuv tashkil etgan. Uchrashuv tafsilotlari ochiqlanmagan.
Vazir sionistlarning jinoyatlari ularga hech qanday yutuq keltirmasligini, balki ularga qarshi yangi harakatlarga sabab bo‘lishini aytgan. Isroil rasmiylari buni tushunsa-da, o‘z hukumati ichidagi qarama-qarshilik tufayli keskinlikni to‘xtatish imkoniyatiga ega emas.
Tehron tashqi ishlar vazirining Dohaga tashrifini G‘arb va Isroil salbiy kayfiyatda qabul qilgan. Norasmiy manbalar Bag‘eri Qatarda HAMAS rahbariyati vakillari bilan muzokaralar o‘tkazganini yozgan.
Izoh (0)