Эрон ташқи ишлар вазири Али Бағэри Кани Яқин Шарқда Исроил режими мавжуд экан, минтақада тинчлик бўлмаслигини маълум қилди. Бу ҳақда вазирнинг баёнотга асосланиб, IRNA нашри хабар берган.
Эрон вакили Исроилнинг Яқин Шарқдаги улкан амбициялари ва геосиёсий таҳдидлари шароитида тинчликка эришиш имконсиз эканини билдирган. Халқаро ҳамжамиятнинг хатти-ҳаракатларига қарамай Тель-Авив ўзининг агрессив ташқи сиёсатидан қайтмаслигини билдирган.
“Ғазо, Фаластин ва минтақага қарши жиноятлар, ишғол ва ҳужумларни асло оқлаб бўлмайди. Сионистик режимнинг давомли босқин ва тажовузига қарамай, минтақа тинчликка қайтади деган фикр саробдан бошқа нарса эмас”, — деган ташқи ишлар вазири Бағэри Кани.
Манбада айтилишича, Эрон хорижий идораси раҳбари 20 июнь куни Қатарга ташриф буюрган. Элчининг кўплаб янги баёнотлари ҳам Доҳада Al Jazeera телеканалига берилган интервью пайтида янграган.
Қатарда Бағэри ҳукумат расмийлари билан учрашув ташкил этган. Учрашув тафсилотлари очиқланмаган.
Вазир сионистларнинг жиноятлари уларга ҳеч қандай ютуқ келтирмаслигини, балки уларга қарши янги ҳаракатларга сабаб бўлишини айтган. Исроил расмийлари буни тушунса-да, ўз ҳукумати ичидаги қарама-қаршилик туфайли кескинликни тўхтатиш имкониятига эга эмас.
Теҳрон ташқи ишлар вазирининг Доҳага ташрифини Ғарб ва Исроил салбий кайфиятда қабул қилган. Норасмий манбалар Бағэри Қатарда ҲАМАС раҳбарияти вакиллари билан музокаралар ўтказганини ёзган.
Изоҳ (0)