Jahongir Obidjonov “O‘zenergosotish” boshqaruvi raisi etib tayinlandi. Bu haqda Energetika vazirligi matbuot xizmati xabar berdi.
![](/static/2024/Fozilbek/photo_2024-06-19_09-25-21.jpg)
Jahongir Obidjonov 1976-yilda Toshkent shahrida tug‘ilgan. 1998-yil Toshkent Davlat iqtisodiyot universiteti hamda 2006-yil O‘zbekiston Prezidenti huzuridagi Davlat va jamiyat qurilishi akademiyasini tugatgan.
U 2004—2007-yillar Markaziy bankda turli lavozimlarda, 2007—2017-yillar “O‘zbekiston sanoat-qurilish banki” OATB boshqaruvi raisining birinchi o‘rinbosari, 2017—2019-yillar “O‘zbekenergo” boshqaruv raisi o‘rinbosari, keyinchalik boshqaruvi raisi vazifasini bajaruvchi, 2020—2022-yillar “Hududiy elektr tarmoqlari” boshqaruvi raisining birinchi o‘rinbosari lavozimlarida faoliyat yuritgan.
Jahongir Obidjonov 2024-yilda Angliyaning Anglia Rusking University universitetida “Biznes boshqaruvi magistri” (MBA) magistratura bosqichini amomlagan.
Shuningdek, Shohrux Qorabayev “O‘zenergosotish” boshqaruvi raisining birinchi o‘rinbosari vazifasini bajaruvchi etib tayinlandi.
![](/static/2024/Fozilbek/photo_2024-06-19_10-59-09.jpg)
Shohrux Qorabayev bunga qadar Energetika vazirligi huzuridagi Elektr energetikasi tarmog‘ini isloh qilish bo‘yicha loyiha ofisi direktori o‘rinbosari lavozimida faoliyat yuritib kelayotgan edi.
- Eslatib o‘tamiz, 2023-yilda “Energetika sohasini isloh qilishning navbatdagi bosqichini amalga oshirish chora-tadbirlari to‘g‘risida”gi prezident farmoni qabul qilingandi.
- Farmon bilan elektr energiyasini markazlashgan tartibda xarid qilish va sotish funksiyasini bajaruvchi “O‘zenergosotish” tashkil etilgan edi.