“Manchester Yunayted” klubi rahbariyati o‘tgan mavsumga baho berib, bosh murabbiy ten Hag bilan hamkorlikni davom ettirishga qaror qildi, deb yozadi The Athletic.
Seshanba kuni klub vakillari gollandiyalik mutaxassis bilan muzokara o‘tkazdi va har ikki tomon ham hamkorlikni davom ettirish istagini bildirgan.
Nufuzli insayder Fabritsio Romano o‘zining ijtimoiy tarmoqlarida “Manchester Yunayted” rahbariyatining gollandiyalik mutaxassis Erik ten Hag bilan hamkorlikni davom ettirish qarori haqidagi xabarga izoh berdi.
Ma’lumot uchun, ten Hag mankunianliklar bosh murabbiyi lavozimiga 2022-yilning yozida tayinlangan edi. APLning so‘nggi mavsumi yakuniga ko‘ra, “Manchester Yunayted” sakkizinchi o‘rinni egalladi. Gollandiyalik mutaxassis bilan amaldagi mehnat shartnomasi 2025-yilning yoziga qadar tuzilgan.
The Guardian nashri “Manchester Yunayted” bosh murabbiyi Erik ten Hag Angliya kubogi finalida “Manchester Siti”ga qarshi o‘yindan so‘ng iste’foga chiqarilishi haqida xabar bergan edi. Bundan tashqari, klub mutasaddilari Tomas Tuxel xizmatlariga qiziqish bildirgan.
Izoh (0)