“Manchester Yunayted” rahbariyati joriy mavsum yakunida Myunxen klubini tark etadigan “Bavariya” bosh murabbiyi Tomas Tuxel bilan muzokaralarni boshlab yuborgan. Bu haqda Daily Mail xabar bermoqda.
Manbaga ko‘ra, “qizil iblislar” rahbarlari “Ipsvich” bosh murabbiyi Kiran Makkenna bilan ham gaplashgan.
Avvalroq OAVda “qizil iblislar”ning amaldagi bosh murabbiyi Erik ten Hag bugun, 25-may kuni bo‘lib o‘tadigan “Manchester Siti” bilan Angliya kubogi final uchrashuvidan so‘ng iste’foga chiqarilishi haqida ma’lumotlar paydo bo‘lgandi.
Ta’kidlanishicha, Tuxel Angliyaga qaytib, “Manchester Yunayted” bilan ishlash imkoniyatiga qiziqish bilan qaramoqda. Bungacha germaniyalik mutaxassis Londonning “Chelsi” klubi bosh murabbiyi sifatida faoliyat yuritgan.
Joriy mavsumda myunxenliklar birorta sovrin yutmadi. Jamoa so‘nggi uchrashuvda mag‘lubiyatga uchrab, kumush medalni ham qo‘ldan chiqardi.
Izoh (0)