AQSH hukumati Ukrainaning “Azov” bo‘linmasiga kiritilgan qurol-yarog‘ cheklovlarini bekor qildi. Bu haqda Vashington manbalariga tayanib, BBC xabar berdi.
Manbada aytilishicha, Ukrainaning “Azov” brigadasiga qurol yetkazib berish va qayta tayyorlashga qo‘yilgan uzoq yillik taqiq olib tashlangan. Ushbu cheklovlar batalyonga o‘ta o‘ng guruhlar bilan aloqalari fosh bo‘lishi ortidan joriy qilingan edi.
AQSH Davlat departamenti bayonotiga ko‘ra, brigada tomonidan inson huquqlari qo‘pol ravishda buzilgani haqida hech qanday dalil topilmagan. Bungacha ko‘plab manbalar bo‘linma aʼzolarini kuchli millatchilik g‘oyalari taʼsirida ukrain bo‘lmagan aholiga zo‘ravonlik qilishda ayblagan edi.
“Azov” rahbariyati Vashingtonning qaroridan minnatdorligini bildirgan. Brigadaga nisbatan asosiy ayblovchi bo‘lgan Rossiyaning yolg‘on bayonotlari endi uning o‘ziga qarshi zarbaga aylanganini bildirgan.
Rasmiy Moskva bu qarorni qoralagan. Kreml matbuot kotibi Dmitriy Peskov AQSHni Rossiyaga bostirish uchun neonatsistlar bilan hamkorlik qilishda ayblagan.
- Manbada aytilishicha, gap Ukraina milliy gvardiyasining 12-“Azov” maxsus kuchlar bo‘linmasi haqida ketmoqda.
- Ushbu bo‘linma to‘g‘ridan to‘g‘ri Ukraina prezidentiga bo‘ysunadi. Rossiya tashvish bildirayotgan “Azov batalyoni” guruhi esa butunlay boshqa tuzilma bo‘lib, u 2014-yilda Rossiyaning Ukraina hududiga bostirib kirishiga qarshi tuzilgan.
- Rossiya ushbu ikki tashkilot tushunchasini birlashtirish orqali dezinformatsiya strategiyasi qo‘llashga urinayotgani xabar berilgan.
Izoh (0)