Niderlandiya terma jamoasi va “Bavariya” himoyachisi Matteys de Ligt Yevro—2024 arafasida turmush qurdi. Bu haqda futbolchi ijtimoiy tarmoqlarda ma’lum qildi.
Niderlandiyalik futbolchining turmush o‘rtog‘i model Anneki Molenaar hisoblanadi, to‘y ham kelinning qishlog‘ida bo‘lib o‘tdi. Xabarlarga ko‘ra, er-xotin kelajakda Toskanada katta “italyancha to‘y” o‘tkazishni rejalashtirmoqda.
Niderlandiya terma jamoasi matbuot xizmati 2024-yilgi Yevropa chempionati uchun e’lon qilgan terma jamoaning yakuniy tarkibidan de Ligt ham o‘rin olgan edi. Shu sababdan futbolchi to‘ydan so‘ng yana jamoasi safiga qaytgan.
Ma’lumot uchun, 2024-yilgi Yevropa chempionati Germaniyada bo‘lib o‘tadi. Turnir 14-iyundan 14-iyulga qadar davom etadi. Guruh bosqichida birinchi va ikkinchi o‘rinni egallagan jamoalar hamda uchinchi o‘rinni egallagan to‘rtta eng yaxshi jamoa 1/8 finalga yo‘l oladi. Turnirning pley-off bosqichi Olimpiya tizimi bo‘yicha (mag‘lub bo‘lgan jamoalar turnirni tark etadi) o‘tkaziladi.
Izoh (0)