Argentina va Ekvador terma jamoalari o‘rtasidagi o‘rtoqlik uchrashuvi 9-iyun, yakshanba kuni AQSHdagi neytral maydonda bo‘lib o‘tdi. O‘yin 1:0 hisobida amaldagi jahon chempionlarining g‘alabasi bilan yakunlandi.
Yagona gol 40-daqiqada Anxel Di Mariya tomonidan kiritildi. Argentina terma jamoasi yetakchisi va sardori Lionel Messi uchrashuvni zaxira o‘rindig‘ida boshlab, 56-daqiqada maydonga tushdi.
Amerika kubogi boshlanishidan oldin Argentina terma jamoasi yana bitta o‘rtoqlik uchrashuvi o‘tkazishni rejalashtirgan. Lionel Skaloni shogirdlarining navbatdagi raqibi Gvatemala termasi bo‘ladi. O‘yin 15-iyun, shanba kuni bo‘lib o‘tadi.
2024-yilgi Amerika kubogi 2024-yilning 20-iyundan 14-iyuliga qadar bo‘lib o‘tadi. Turnirning amaldagi g‘olibi final uchrashuvida Braziliyani 1:0 hisobida mag‘lub etgan Argentina terma jamoasi hisoblanadi.
Izoh (0)