Qozog‘istonning Almati shahrida velosportning shosse yo‘nalishi bo‘yicha kattalar va yoshlar o‘rtasidagi Osiyo chempionatida ayollar Elita toifasida individual vaqt poygasi bo‘lib o‘tdi.
Ayollar o‘rtasida kechgan individual vaqt poygasida Olga Zabelinskaya oltin, Yanina Kuskova kumush medalga sazovor bo‘ldi.
20 km masofaga o‘tgan poygada Zabelinskaya 28:07, Kuskova esa 29:02 natija ko‘rsatdi. 29:28 daqiqada marraga kelgan mezbon sportchi Rinata Sultonova kuchli uchlikni yakunlab berdi.
- Olga Zabelinskaya (O‘zbekiston) - 28:07
- Yanina Kuskova (O‘zbekiston) - 29:02
- Rinata Sultanova (Qozog‘iston) - 29:28.
Qayd etish joiz, bugungi ishtiroki orqali Olga Zabelinskaya veloshosseda uch karra Osiyo chempioniga aylanib olgan bo‘lsa, Yanina Kuskova ikkinchi bor qit’a birinchiligi sovrindoriga aylandi.
Shu tariqa, O‘zbekiston delegatsiyasining Osiyo chempionatidagi medallari soni 5 taga yetdi: 1 ta oltin, 4 ta kumush.
Izoh (0)