Қозоғистоннинг Алмати шаҳрида велоспортнинг шоссе йўналиши бўйича катталар ва ёшлар ўртасидаги Осиё чемпионатида аёллар Элита тоифасида индивидуал вақт пойгаси бўлиб ўтди.
Аёллар ўртасида кечган индивидуал вақт пойгасида Олга Забелинская олтин, Янина Кускова кумуш медалга сазовор бўлди.
20 км масофага ўтган пойгада Забелинская 28:07, Кускова эса 29:02 натижа кўрсатди. 29:28 дақиқада маррага келган мезбон спортчи Рината Султонова кучли учликни якунлаб берди.
- Олга Забелинская (Ўзбекистон) - 28:07
- Янина Кускова (Ўзбекистон) - 29:02
- Рината Султанова (Қозоғистон) - 29:28.
Қайд этиш жоиз, бугунги иштироки орқали Олга Забелинская велошосседа уч карра Осиё чемпионига айланиб олган бўлса, Янина Кускова иккинчи бор қитъа биринчилиги совриндорига айланди.
Шу тариқа, Ўзбекистон делегациясининг Осиё чемпионатидаги медаллари сони 5 тага етди: 1 та олтин, 4 та кумуш.
Изоҳ (0)