Premer-liganing kamida 19 jamoasi keyingi mavsumda VAR video yordamchisi ishlashi kerakligini yoqlab ovoz berdi.
Qaror qabul qilinishi uchun 20 klubning 14 tasi ovoz berishi kerak edi. Ushbu masalaning kun tartibiga chiqishiga “Vulverhempton” klubining APL uchrashuvida VAR tizimi ishlashiga qarshilik qilgani sabab bo‘ldi.
Ammo 6-iyun, payshanba kuni bo‘lib o‘tgan yig‘ilish chog‘ida yuqori diviziondagi 20 klub VAR tizimi amalda bo‘lishi uchun 6 asosiy yo‘nalishga alohida e’tibor qaratish kerakligini ta’kidladi.
Eng asosiy e’tibor texnologiyaning sifatini ko‘tarib, o‘yindagi to‘xtalishlar vaqtini keskin kamaytirilishi kerakligi ta’kidlandi.
Premyer Liga bayonotida shunday deyilgan: “Premyer Liga klublari bugun VAR tizimidan foydalanishni davom ettirish tarafdori bo‘lishdi.
VAR aniqroq qaror qabul qilish imkonini berish, jamoalar va muxlislarni o‘ylagan holda tizim sifatini yaxshilash ishlari olib boriladi”.
Ma’lumot uchun, VAR texnologiyasi jarima maydoni ichidagi qo‘pollik, qizil kartochka hamda gol urilishi jarayonida qoida buzilishi holatini tekshirish uchungina ishlatiladi.
Izoh (0)