Xorazm viloyati Xiva shahrida fuqarolarni Norvegiya davlatiga ishga yuborishni va’da qilgan firibgar ushlandi, deb xabar bermoqda Prokuratura departamenti.
Unga ko‘ra, holat Bosh prokuratura huzuridagi departamentning Xiva shahar bo‘limi tomonidan DXX va Milliy gvardiya xodimlari bilan hamkorlikda o‘tkazilgan tezkor tadbirda aniqlangan. Fuqaro Q.E. ikki nafar fuqaroning ishonchiga kirib, 5 600 AQSH dollari evaziga ularni Norvegiya davlatiga ishga yuborishini aytib, oldindan 1 900 AQSH dollari va 1,2 mln so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)