Vazn toifasidan qat’i nazar eng yaxshi UFC jangchilari reytingining sobiq yetakchisi va yengil vazn toifasida sobiq UFC chempioni avstraliyalik Aleksandr Volkanovski amerikalik Dastin Porye bilan jang qilish istagi haqida gapirdi.
“Porye faoliyatini yakunlashi mumkin, ammo u bu haqda ishonch bilan gapirmadi. Shaxsan men yil oxirida jang qilmoqchiman, lekin hammasi menga bog‘liq emas. Shunga qaramay, uzoq kutishni xohlamayman. Shunday ekan, agar jadvalimiz to‘g‘ri kelsa, Dastin bilan jang qilishimiz mumkin. Shubhasiz, bir-birimizni juda hurmat qilamiz va bu ajoyib jang bo‘lardi, deb o‘ylayman”, — dedi Volkanovski YouTube’dagi kanalida.
Eslatib o‘tamiz, 2-iyun kuni Islom Maxachev o‘zining uchinchi chempionlik himoyasi jangini amerikalik Dastin Poryega qarshi o‘tkazdi. Jangning beshinchi raundida Islom raqibini bo‘g‘ish usuli bilan mag‘lub etdi.
Izoh (0)