“Hizbulloh” urushga kuniga 10 million dollar sarflamoqda — Isroil armiyasi

“Hizbulloh” Isroil bilan urushga kuniga 10 million dollar sarflamoqda. Bu haqda Isroil armiyasi matbuot kotibi Avichay Adri xabar berdi.

“HAMAS olib borayotgan urush Livanga kuniga 10 million dollardan ortiq zarar keltirmoqda. “Hizbulloh” rahbari Nasrulloh bu urushni Eron manfaatlari yo‘lida olib bormoqda, Livan xalqi esa jabr ko‘rmoqda”, — deya da’vo qildi Adri.

Bloomberg nashri Isroilning HAMASga qarshi harbiy harakatlari yahudiy davlatiga har kuni 260 million dollarga tushayotganini ma’lum qilgandi. Isroilning G‘azo sektoridagi harbiy amaliyotlar uchun sarflagan mablag‘i kutilganidan ancha yuqori.

Isroil Moliya vazirligi urush boshida HAMAS bilan to‘qnashuv mamlakat byudjetiga 200 milliard shekelga (51 milliard dollar, YIMning 10 foizi) tushishini aytgandi. Dastlabki prognozni Isroil Moliya vazirligi e’lon qilgan va uni “optimistik” deb ta’riflagan.