Taniqli amerikalik aktrisa va qo‘shiqchi Selena Gomes qachonlardir farzand asrab olmoqchi bo‘lgani haqida so‘zlab berdi.
31 yoshli yulduz Time 100 tadbirida ko‘rinish berib, jurnalistlarning savollariga javob berdi. U besh yil mobaynida yolg‘iz bo‘lgani hamda kelajak uchun reja tuzganini aytdi.
“Agar hech kimni uchratmaganimda, 35 yoshimda bola asrab olmoqchi edim”, dedi Gomes.
Ammo xonandaning hayotida Benni Blanko paydo bo‘lgach, ularning hayotga bo‘lgan rejalari o‘zgargan ko‘rinadi.
Eslatib o‘tamiz, Selena Gomes o‘tgan yilning oxirida Benni Blanko bilan ishqiy munosabatlarini tasdiqlagan edi. Har ikki yulduz bir-birini ancha yillardan beri bilishadi. Ular 2021-yilda “I Canʼt Get Enough” qo‘shig‘ida hamkorlik qilishgan va musiqiy prodyuser Benni Blanko Jastin Biberning uzoq yillik do‘sti hisoblanadi.
Izoh (0)