Ba’zan farzandlar ulg‘aygach, ota-ona kasbini davom ettirishdan bosh tortadi va mutlaq boshqa sohada faoliyat yuritadi. Quyida yulduzlar oilasida tug‘ilganiga qaramay, odatiy kasbni egallagan 8 nafar mashhurlar farzandi bilan tanishamiz.
Bryus Springstin
Amerikalik xonanda Bryus Springstinning o‘g‘li Sem afsonaviy rok musiqasi qiroli bo‘lgan otasining yo‘lidan bormay, davlat ishida ishlashga qaror qildi. 2020-yildan Sem Jersi shahrida o‘t o‘chiruvchi sifatida ishlab kelmoqda.
Harrison Ford
Aktyor Harrison Fordning o‘g‘li Ben oshpaz sifatida ishlaydi. Uning xususiy restoranlari ham bor. Ben Gollivudning diqqat markazida bo‘lish o‘rniga Ford’s Filling Station nomli restoranlar tarmog‘iga asos soldi.
Pol Makkartni
Britaniyalik mashhur qo‘shiqchi Pol Makkartnining qizi Hizer kulolchilik va dizayn sohasida ishlaydi. Ota-onasining musiqa sanoatidagi shon-shuhratiga qaramay, Hizer kulolchilik kasbini o‘zlashtirdi.
Uillem Defo
Amerikalik aktyor Uillem Defoning o‘g‘li Jek davlat siyosatini o‘rgangan va mazkur soha bo‘yicha tadqiqotlar olib boradi. U jamiyatning barqaror rivojlanishga yordam beruvchi turli tashkilotlar bilan ishlaydi.
Nikol Kidman va Tom Kruz
Nikol Kidman va Tom Kruzning o‘g‘li Konnor pazandalik sohasida ishlaydi. U Connor’s Meat Shack nomli barbekyu tayyorlaydigan restoranni boshqaradi.
Tom Henks
Tom Henksning qizi Elizabet Enn Henks yurtida yozuvchi sifatida hurmat qozongan. U taniqli nashriyotlarda ishlagan va o‘zining ilk romanini yozgan.
Anna Vintur
Britaniyalik jurnalist, 1988-yildan beri Vogue jurnalining bosh muharriri Anna Vinturning o‘g‘li Charlz Shaffer psixiatr bo‘lib ishlaydi. U bolaligidan tibbiyot sohasiga qiziqqan va onasidan farqli karyerani tanlagan.
Hovard Stern
Amerikalik radio va teleboshlovchi Hovard Sternning qizi Eshli Jeyd Stern hamshiralik kasbini tanlagan.
Izoh (0)