Germaniya Ukrainaga nemis qurollari bilan Rossiyaga hujum qilishga ruxsat berdi

Germaniya kansleri Olaf Shols Ukrainaga Rossiya hududiga zarba berish uchun nemis qurollaridan foydalanishga ruxsat berdi. Bu haqda Bild xabar berdi.

Germaniya hukumati Ukraina harbiylariga berilgan qurollardan foydalanish bilan bog‘liq cheklovlarni bekor qildi. Endi Ukraina qurolli kuchlari Xarkov viloyati mudofaasi doirasida Rossiya hududiga zarbalar berishi mumkin bo‘ladi.

So‘nggi haftalarda Rossiya chegarasiga bevosita tutashgan hududga, jumladan, Xarkovga hujumlarni tayyorlab, muvofiqlashtirmoqda va amalga oshirmoqda. Ishonchimiz komilki, Ukraina xalqaro huquq bo‘yicha o‘zini bu hujumlardan himoya qilish huquqiga ega.

Ukraina bu maqsadda yetkazib berilgan qurollardan, jumladan, biznikilar bilan ham o‘zining xalqaro huquqiy majburiyatlariga muvofiq foydalanishi mumkin. Yaqin ittifoqchilarimiz va Ukraina hukumati bilan yaqin muloqotda bo‘lib, urush kechayotgan bir paytda yordamimizni unga moslashtiramiz, — dedi hukumat matbuot kotibi Shteffen Xebstreyt.

Shu tariqa, Ukrainaning asosiy ittifoqchilari — AQSH, Germaniya, Fransiya va Buyuk Britaniya so‘nggi kunlarda mushtarak qarorga kelib, G‘arb qurollari bo‘yicha yangi siyosat bo‘yicha kelishib oldi. Rossiya armiyasiga hujum qilishda ikkita nemis qurol tizimi — Panzerhaubitze 2000 o‘ziyurar gaubitsa va Mars II zirhli ko‘p raketa tizimidan foydalanish ko‘rib chiqilmoqda.