Германия канцлери Олаф Шольц Украинага Россия ҳудудига зарба бериш учун немис қуролларидан фойдаланишга рухсат берди. Бу ҳақда Bild хабар берди.
Германия ҳукумати Украина ҳарбийларига берилган қуроллардан фойдаланиш билан боғлиқ чекловларни бекор қилди. Энди Украина қуролли кучлари Харьков вилояти мудофааси доирасида Россия ҳудудига зарбалар бериши мумкин бўлади.
Сўнгги ҳафталарда Россия чегарасига бевосита туташган ҳудудга, жумладан, Харьковга ҳужумларни тайёрлаб, мувофиқлаштирмоқда ва амалга оширмоқда. Ишончимиз комилки, Украина халқаро ҳуқуқ бўйича ўзини бу ҳужумлардан ҳимоя қилиш ҳуқуқига эга.
Украина бу мақсадда етказиб берилган қуроллардан, жумладан, бизникилар билан ҳам ўзининг халқаро ҳуқуқий мажбуриятларига мувофиқ фойдаланиши мумкин. Яқин иттифоқчиларимиз ва Украина ҳукумати билан яқин мулоқотда бўлиб, уруш кечаётган бир пайтда ёрдамимизни унга мослаштирамиз, — деди ҳукумат матбуот котиби Штеффен Хебстрейт.
Шу тариқа, Украинанинг асосий иттифоқчилари — АҚШ, Германия, Франция ва Буюк Британия сўнгги кунларда муштарак қарорга келиб, Ғарб қуроллари бўйича янги сиёсат бўйича келишиб олди. Россия армиясига ҳужум қилишда иккита немис қурол тизими — Panzerhaubitze 2000 ўзиюрар гаубица ва Mars II зирҳли кўп ракета тизимидан фойдаланиш кўриб чиқилмоқда.
Изоҳ (0)