Daniya termasi Yevro—2024 uchun qaydnomani e’lon qildi. Eriksen, Hoylund, Kristensen — tarkibda

Daniya milliy jamoasi bosh murabbiyi Kasper Yulmand Yevropa chempionati uchun tarkibni e’lon qildi.

Ushbu ro‘yxatdan 26 futbolchi joy olgan.

Darvozabonlar: Kasper Shmeyxel (“Anderlext”), Frederik Rennov (“Yunion”), Mads Hermansen (“Lester”);

Himoyachilar: Andreas Kristensen (“Barselona”), Simon Kyayer (“Milan”), Yannik Vestergor (“Lester”), Yoakim Andersen (“Kristal Pelas”), Viktor Nelsson (“Galatasaroy”), Yoakim Mele (“Volfsburg”), Viktor Kristiansen (“Bolonya”), Aleksander Ba (“Benfika”), Rasmus Kristensen (“Lids”);

Yarim himoyachilar: Kristian Eriksen (“Manchester Yunayted”), Tomas Dileyni (“Anderlext”), Per-Emil Hyoyberg (“Tottenxem”), Matias Yensen, Kristian Nyorgor (ikkalasi – “Brentford”), Morten Yulmand (“Sporting”);

Hujumchilar: Rasmus Hoylund (“Manchester Yunayted”), Yonas Vind (“Volfsburg”), Anders Dreyer, Kasper Dolberg (ikkalasi – “Anderlext”), Andreas Olsen (“Bryugge”), Yussuf Poulsen (“Leypsig”), Mikkel Damsgor (“Brentford”), Yakub Bruun Larsen (“Byornli”).

Daniya Yevropa chempionatida Angliya, Serbiya va Sloveniya bilan bir guruhdan o‘rin olgan.

Ma’lumot uchun, 2024-yilgi Yevropa Chempionatiga Germaniya mezbonlik qiladi. Musobaqa 14-iyundan 14-iyulga qadar bo‘lib o‘tadi.