Futbol bo‘yicha O‘zbekiston Superkubogida “Nasaf” penaltilar seriyasida “Paxtakor”ni mag‘lub etib, g‘oliblikni qo‘lga kiritdi.
Uchrashuvdan so‘ng qarshiliklar ustozi Ro‘ziqul Berdiyev matbuot anjumanida ishtirok etdi.
Penaltilar seriyasi o‘yinni bezadi. Birinchi bo‘lim oxiri va ikkinchi bo‘lim boshini yomon o‘tkazdik. Penaltilar seriyasida omadimiz keldi. Futbolchilar va Abduvohidga rahmat aytaman.
Jamoani uyg‘otish uchun nimadir sodir bo‘lishi kerak edi. Yoki gol yoki qizil kartochka o‘yinni o‘zgartirardi. Biz gol o‘tkazib yubordik.
Jamoada ishtiyoq yuqori. Natija qilish uchun har qanday ishni amalga oshirib ko‘rish kerak. “Paxtakor” to‘pni nazorat qilishga intilishini bilardik. Biz shunga tayyorlandik.
“Nasaf” doim yangi futbolchilarni kashf qiladi. Ammo bu yil ushbu tendensiyadan ozgina chekindi. Endi bizga talablar ortgan va shuning uchun biz tajribali futbolchilarga suyanmoqdamiz.
Shunga qaramay yoshlar doim e’tiborda. O‘yinlar muhimligi sabab, biz yoshlarga imkoniyat berib tajriba qilib ko‘ra olmaymiz.
Ro‘ziqul Berdiyev, “Nasaf” bosh murabbiyi
Izoh (0)