UEFA klubga egalik qilish qoidalari bilan bog‘liq masalalarni hal etmasa, “Manchester Yunayted”ni kelasi mavsumda Yevropa Ligasidan chetlatishi mumkin. Bu haqda The Telegraph nashri xabar berdi.
Jim Retkliff va uning Ineos kompaniyasi 3-iyun dushanba kunigacha UEFAni “Manchester Yunayted” va “Nitssa”ga kelasi mavsumda Yevropa ligasida ishtirok etishiga ruxsat berilishi kerakligiga ishontirishi kerak. Retkliff “Manchester Yunayted”ning 27,7% ulushiga ega bo‘lib, tashkilot futbol operatsiyalarini to‘liq nazorat qiladi va 2019-yilda “Nitssa” klubini qo‘lga kiritganidan keyin Fransiya jamoasining ham asosiy aksiyadori hisoblanadi.
UEFAning bir nechta klublarga egalik qilish qoidalari har qanday tashkilot yoki shaxsning bir musobaqada bir nechta klublar boshqaruviga ega bo‘lishini taqiqlaydi. Agar yechim topilmasa, “Manchester Yunayted” Yevropa ligasini tark etishga majbur bo‘ladi, chunki jamoa Angliya Premyer Ligasida 8-o‘rinni egalladi. Fransiya klubi esa beshinchi pog‘onadan joy olgan.
Izoh (0)