Amerikaning Viskonsin shtatida ot egasining uyiga eshikni ochib kirishni o‘rganib oldi. Endilikda u muntazam ravishda fermerning xonadoniga tashrif buyuradi. Germi laqabli ot haqidagi qiziqarli hikoyani YouTube’dagi The Dodo aytib berdi, deb yozadi “Pravila jizni”.
Ot egasining so‘zlariga ko‘ra, u Germini uyda birinchi marta ko‘rib qolganda avvaliga bu ish qanday sodir bo‘lganini tushunmagan. Keyinroq ma’lum bo‘lishicha, ot surma eshiklar qanday ishlashini mustaqil bilib olgan va ularni og‘zi bilan ochishga muvaffaq bo‘lgan.
Fermer avvaliga eshiklarni qulflab qo‘ydi, ammo bu ish otni to‘xtata olmadi. Endi Germi deyarli har kuni uyga to‘satdan bostirib kiradi va yo‘lakda turib, xonadonni ko‘zdan kechiradi.
Boshqa otlar tashqi eshiklar qanday ochilishni bilmaydi va ular ostonada kuzatib turadi.
“Germiga xonadonda bo‘layotgan hodisalar va insonlarni tomosha qilish zavq beradi”, — deydi fermer.
Xo‘jalikda jami beshta ot boqiladi. Ular doim ham otxonada saqlanmaydi. Hayvonlar fermaning istalgan joyini kezib yurishlari mumkin.
Izoh (0)